TEMA 2 : A CIRCULACIÓN

• A circulación: a viaxe das substancias

As células necesitan máis enerxía ao facer exercicio. Entón o corazón traballa máis rápido, pois o aparato circulatorio é o encargado de levar ás células o osíxeno e os nutrientes que necesitan.

O aparato circulatorio é un sistema cerrado de vasos sanguíneos comunicados entre si polo que circula o sangue. O corazón impulsa o sangue para que este percorra o sistema circulatorio.

Os vasos sanguíneos

No noso organismo hai tres tipos de vasos sanguíneos:

• Veas. Son vasos polos que circula o sangue que vai cara ao corazón.

• Arterias. Son vasos polos que circula o sangue que sae do corazón.

• Capilares. Son vasos moi finos que comunican as arterias e as veas. Permiten o intercambio de substancias e gases coas células.

O sangue

O sangue está formado por plasma sanguíneo e células sanguíneas.

• O plasma é un líquido no que flotan as células sanguíneas. Ademais, leva nutrientes e substancias de refugallo.

• As células sanguíneas son de distintos tipos:

       Glóbulos vermellos :Transportan o osíxeno e o dióxido de carbono.
      Plaquetas :Cerran as feridas para que o sangue non saia.

  Glóbulos brancos :Defenden o organismo fronte a microorganismos e virus.

O corazón

O corazón é un órgano musculoso formado por catro cavidades: dúas aurículas e dous ventrículos. As aurículas comunícanse cos ventrículos mediante as válvulas.

Este órgano contráese e dilátase para impulsar o sangue a todo o organismo. Faino mediante os latexos. O latexo ten dúas fases:

• Sístole. O corazón contráese e envía o sangue ás arterias.

• Diástole. O corazón reláxase e o sangue entra no seu interior.

O percorrido do sangue